Teesari Kasam
તીસરી કસમ  

સાહિત્યકાર ફણીશ્વરનાથ રેણુની વાર્તા ‘મારે ગએ ગુલફામ’, એના પરથી બનેલી ફિલ્મ ‘તીસરી કસમ’ અને એ ફિલ્મના નિર્માણને લીધે શૈલેન્દ્રએ વેઠેલી યાતનાની વાતોને સાંકળીને આ પુસ્તક લખાયું છે. સ્વાભાવિક છે કે આમાં ખૂન, જાસૂસી કે વેરનાં વળામણાંની વાતો નથી. છતાં તમે આ પુસ્તકને હાડોહાડ થ્રિલરની જેમ, વચ્ચે સહેજ પણ ચસક્યા વિના, એક બેઠકે વાંચી જાઓ તેવી તકેદારી રાખીને આ પુસ્તકમાં કેટલીક કાલ્પનિક તથા વાસ્તવિક કથાઓ આલેખાઈ છે. આ કથાઓમાં ‘હૈ સબસે મધુર વો ગીત, જિન્હેં હમ દર્દકે સૂરમેં ગાતે હૈ’ એ ગીતનો અંડરકરન્ટ-આંતરપ્રવાહ તમે સતત વહેતો અનુભવી શકશો. આ પુસ્તક કોઈ સંદેશા કે ઉપદેશ આપતું નથી. પરંતુ તેમાં એક એવી દલીલ છે ખરી કે જીવનની સાર્થકતા સમજવી હોય તો વેદનાનું છૂપું સૌંદર્ય પારખવું જરૂરી છે.